Duos testos subra S’Ardia in limba sarda – Dos textes sobre S’Ardia en llengua sarda

Bos damus a connòschere duos testos in limba sarda chi faeddant de una de sas festas prus importantes e bìdidas de Sardigna: sa cursa a caddu chi si tzelebrat a Sedilo, S’Ardia. Su primu est una bisione istòrica de sa festa iscrìida pro Salvatorangelo Manca; s’àteru unu testu de su Comune de Sedilo subra custa impressionante manifestazione populare.

Us donem a conéixer dos texts en llengua sarda que parlen d’una de els festes més importants i viscudes de Sardenya: la cursa a cavall que es celebra a Sedilo, S’Ardia. El primer és una visió històrica de la festa escrita per Salvatorangelo Manca; l’altre un menut text de l’Ajuntament de Sedilo sobre aquesta impressionant manifestació popular.

 S'Ardia (foto se Silvano Monchi)

S’ARDIA de Salvatorangelo Manca

Forzis no’ ischimos cando dd’ ana curta sa prima ‘orta, poite e comente, si funi medas o pagos e si nidi in su matessi zassu. Sos pagos iscrittos chi no’ suni arribados narana ca si curriada in ammentu de sa gherra de  Costantinu Magno contra Massenzio in su 312 in su ponte Milvio.

Ma ischimos chi sa “cristianizzazione” de sa Sardigna e non solu, si fu fatta mudande sos idolos de sas religiones paganas, cun sos Santos de sa cristiana e tando innanti de festare a Santu Antinu fortzis in sutta de monte Isei si festaiada s’incunza o fùdi un atopu mannu pò fagher fiera, tra sos populos de cussa zona e sos de sa Barbarla cernente dda rnutiana sos romanos. Non devimos ismentigare chi fumis in sa lacana o “limes” romanu. De seguru ischimos chi fudi una festa manna e comente in totu sas festas mannas chi si faiana in su sarto funi cussas occasiones inue si fata’ biere s’ospitalidade de sos sardos. Po cumprendere custo toccada de ischire chi ancora in sos annos chi fùdi viceré su Bogino su archipiscamu de Aristanis, arrennegau, bi iscridiada, ca in custa festa de sartu bi aiada troppu isprecu, e tocchiada de fae cachi cosa ca in Sedilo su 5-6-7 de triulas si che papiana non mancu de 200 baccas chenza contare arbeghes, crabas e beccos. Ma torrande a s’Ardia, non seo de accordu cun chie narada e iscriede chi est frima e uguale in sos tempos; s’Ardia no est una cosa morta o una mustranzia de cosas chi si faiana in sos tempos colaos, est una cosa ia, bivia in dogna tempus da-e sos omines de cussu tempus etotu e pò cussu suzetta a piticas e mannas cambiamentas. S’Ardia a’ biviu tempos bonos e malos, gherras, annadas malas, arrutorzas, cachi mortu e moda noas, mutias progressu, chi ch’istesiaina sos zovanos sardos da-e custa e da-e ateras mustras de sa cultura de su populu sardu, faindeddas parrere cosas betzas, innutiles si no dannarzas de che fuliare e irmentigare. Ma pò fortuna de sa Sardigna e de totu su mundu custa festa est oe a su massimu isplendore ca nudda che dda pode’ bogare da-e sa conca e da-e su sambene de sos Sedilesos, chi cun orgogliu sighin a faere custas “provas terribiles de azardu” in “custa festa ‘e fortza e de bellesa” comente a’ cantau Montanaru. Ma bidimos cun cachi iscritto chi nos est arribadu comente fudi s’Ardia de innanti; Raffaele Puxeddu in su 1872 aia’ mandadu a su canonigu Juanni Ispanu chi bi dda’aia pediu, custa desctvzAone. Narada. chi faiana, s’Ardia medas chentinaias de cadderis, sas pandelas funi duas, una jughia’ sa frigura de Santo Antinu e s’alerà sos bator moros, pò amentare sa catzada de sos barbarescos, comintziada da-e sos ziros de sa eresia e sighiada cun sa calada a sa “muredda” e sos inghirios inie (sette).

Est zai prus craru un’articulu de su 1922′ de S’Unione Sarda chenza frima, chi narada chi est sa menzus festa de Sardinna e bi enidi da onnia parte, bindighi-vintimila pessones, sos caddos a bortas arribana a milli, sas Pandelas funi semper duas, una groga cun sa frigura de su Santo e s’alerà ruja cun sos bator moros e fintzas tando pare’ chi sa cursa comintzaiada cun sos inghirios de eresia, semper sette e sette in sa muredda. Belle e tottus sos cadderis zughian pinnones.

Un’atera descrizione chi amos tzappau est cussa de Troiani di Nerfa de su 1932 chi narada chi sos cadderis, a borta finzas milli, armados de fusile e bestios cun totu costumes de sas varias zonas de Sardigna, si atobiana a sa calada ‘e su sole de s’urtima die de sa festa, a s’essida de sa idda, partiana e arribana a unu mondgu (su Frondgheddu) si frimana e solu su rettore sighidi a cara a sa eresia; cando arribada faede unu sinnu e sos caddos partini.

Cando arribana a da’ nauti de sa eresia puntana sos fusiles in artu e isparana. Sas pandelas suni tres de seda e zughene totas tres sos bator moros pintaos. Da-e custos iscrittos bidimos chi sas pandelas suni andadas da-e duas a tres, fortzis in sos annos vinti , e tando etotu ch’es bistada trantzia sa figura de su Santo. A su mancu da-e su 1922 sa pandela si pighiada poi duos annos de fila finzas a su 50-51, da-e su 1952 in poi si es’ fatta pò un’annu ebia. Custu fattu est propiu su chi nos fagher biere chi in s’Afdia sa regulas mudana pò cumbinazione; su 52 aia’ capitau unu luto, sa prima die de sa festa, a sa prima e a sa segunda, chi aian depiu cricare ateras duas pessones; (custo fatto non resurtada rezistradu mancu in s’elencu de eresia) dd’aiana fatta s’annu a pustis, ma pò un’annu ebia. Una regula chi baied semper es’ chi sa terza es prus zovana de sa segunda. Fintzas sa movida de su Frontigheddu est una cosa chi est arribada in custo seculu, narana chi su primu fu bistau tziu Costantinu Chessa in su 1922 (o 23). Mudau est fìnzas su logu inue si jaian’ sas pandelas, fintzas a cando no ana posto sa pianellas in partza da eresia ddas zaiana in dananti de sa rughitta de contone ruju posta a manu ‘estra de sa fatzada ‘e sa eresia e custa fudi sa prima de sas tres rughes chi bi funi in su caminu chi che leiada a sa corte de Santo Antinu, sas ateras suni una in su Fronte Mannu e s’alerà in su Frontigheddu; como si jana in dananti de su portale de sa ‘orno de su rettore. Como sa rughitta este torra in su matessi zassu, fortzis si che ogan sas pianellas, sas pandelas si podian torrare a zare inie. Fortzis; ma sa modas bogadas, in s’Ardia non suni mai torradas, si no in su 55, cando pò fi fae riprendere da-e su regista Fiorenzo Serra, sas pandelas e pagos ateros aian torrau a fagher s’Ardia in costamene antigu.

Cosas abarradas unicas in s’Ardia suni: in su 1943 chi no si fu fatta ca tottu sos omines che funi in gherra e in su 1977 sa presentzia de una pitzinna genovesa.

Custu articulu no’ est e non chered’essere toto su chi de s’Ardia s’ischidi ma es’ fato pò ispuntorzare tota sos sedilesos in domo e in fora a regollere contos, iscrittos, fotografias pò faere in modu de tenner una regorta de datos, de ite est e ite es’ bistada s’Ardia. Po chi no bi siada su perigulu de perdere su connoto de custa festa chi sos Sedilesos de eris e de oe bivene cun su matessi orgogliu. Ma su perigulu pò s’Ardia es’ sa presentzia ifadosa de rappresentanzias de s’istadu chi non cherene cumprendere chi custa est una cosa unica chi non podede bintrare in regulas iscrittas pò tottu sas curzas a caddu. Po cussu bisonzada de istare avisos tottus, amministradores sedilesos e regionales, comitaos, omines de cultura, Sedilesos e istranzos, tottu cussos chi tenene a coro s’Ardia; pò chi non si fortzene cussas regulas, chi si mudana, ana a mudare a sa sola cun s’andare de sos tempos. 

Ateros annos.

http://www.iloisedilo.org/raccolta/pdf/2000/06.pdf

S'Ardia (foto se Silvano Monchi)

Santu Antinu

Sedilo est connota in totu sa Sardinna po sa festa in onore de Santu Antinu Imperadore e po s’Ardia, ispetaculare e isperigulada cursa a caddu chi si faghet su 6 a su borta de die e su 7 a su manzanu de triulas.

Su sero de su 6 e su manzanu de su 7, in Santu Antinu, si faghet S’Ardia.

S’Ardia (dae su verbu bardiare, chi cheret nàrrere azuare, fàghere sa guardia) est una de sas prus cummoventes manifestatziones de sardidade e benit ammentada tra sas prus importantes festas de sa Sardinna po fede, traditzione, trisinamentu umanu e arribant medas turistas.

Sa cursa ammentada sa gherra binchia dae s’Imperadore Costantinu contra a Massenziu in su Ponte Milvio in Roma in su 312 Apusti de Cristu. Sa festa si faghet in su Santuariu, chi si atzapat unu chilometro atesu dae sa bidda. Su percursu est sia aintro chi in fora de sa corte de Santu Antinu, serrada de unu muru chi serrada sa cresia, sos muristenes e sa domo de su eremitanu (chi controllaiat sa corte).

Si podet bintrare in sa corte dae duos portales: unu est fatu de pagu e est de contone e cimentu e s’ateru est prus antigu, de su XVI seculu, connotu comente su portale de ferru.

Sa prima pandela, chi tempus innanti si fut iscritu in su rezistru de sas pandelas chi costoit su retore, faghet sa cursa azuau dae duos: sa segunda e sa tertza pandela.

Tres cadderis chi cun sas iscortas, seberadas dae onni pandela, gherrant po non che fàghere colare sas tres pandelas e totu sos cadderis chi bi sunt in fatu.

Su borta de die de su 6 de triulas su retore zat sas pandelas: sae de brocau colore oro mutia sa pandela de Santu Antinu a sa prima pandela, sa pandela ruia a sa segunda e sa bianca a sa tertza e poi sos pinnones ruios po sas iscortas.

Retore, sindigu, pandelas, iscortas, cadderis andant cara a Santu Antinu acumpanzaos dae sos fusileris chi sinnant sos momentos prus importantes de sa cursa. A poi de una frimada in Su Fronte Mannu chi che leada a Santu Antinu, arribant a su Frontigheddu dae in ue partit s’Ardia.

S’Ardia podet comintzare: sa prima pandela depet cumpredere su momentu propitziu po iscapare dae su Frontigheddu, intrande in s’arcu de Santu Antinu, sighiu de sos ateros cadderis. Arribaos a sa cresia, si faghent sos ziros, chi depent èssere nessi chimbe ma semper in nùmeru dispari.

Sa cursa sighit cun sa calada a sa Muredda, fata in tundu cun pedra e cimentu e zust’in mesu b’at una rughe.

Finiu unu momentu de pregadoria, sos cadderis faghent tres ziros a manu ereta e bòrtada s’Ardia nde podent fàghere unu o prus de unu a manu manca. S’Ardia che finit cando torrant a pigare a sa cresia. S’Ardia est eguale su manzanu de su 7.

Su borta de die de su 7, si faghet sa cufessone intro de sa bidda in laude po su Santu intro de die.

Sa die de s’otada, chi po usantzia est sa segunda dominiga chi sighit s’urtima die de sa festa, in su matessi logu, a su manzanu si faghet s’Ardia a pè.

Sa festa est organizada de su sòtziu Santu Antinu.

http://www.comune.sedilo.or.it/?modulo=contenuti&id=87

Fotografies del post de Silvano Monchi.


About The Author

Comments

Leave a Reply